Shymkentte aldaǵy úsh jylda 10 mektep salynady
«Elbasynyń 5 áleýmettik bastamasy aıasynda bıyl 350 oryndyq jataqhana qurylysy aıaqtalyp, Ońtústik Qazaqstan memlekettik pedagogıkalyq ýnıversıtetine paıdalanýǵa berildi. Sonymen qatar, jyl sońyna deıin 200 oryndyq jataqhana qurylysy aıaqtalady. Kelesi jyly SPK «Shymkent» arqyly 2 500 oryndyq jataqhana salý josparlanýda. Degenmen, bilim salasynda demografııalyq ósimge baılanysty birqatar ózekti máseleler bar. 6 mektep yńǵaılastyrylǵan ǵımaratta ornalasqan, 15 mektep úsh aýysymda oqytýda. Sonymen qatar, 13 shaǵyn aýdanǵa 21 mektep qajet. Bıyldan bastap, qalada jan basyna qarjylandyrý júıesi engizildi. Bul jańa mektep qurylystaryn salýǵa ınvestorlardy tartýǵa múmkindik berdi», - dedi ol.
Shymkent qalasynyń ákimi bıyldyń ózinde 5 myń oryndyq 11 jekemenshik mektep ashylǵanyn aıtady.
«Demografııadyq jaǵdaıdy myna sanmen kórsetýge bolady: bıyl mektepti 8 myń bala bitirip, 1 synypqa 23 myń bala qabyldandy. Bıýdjet esebinen bıyl 5 700 orynǵa arnalǵan 9 mektep qurylysy júrgizilip, 5 mektep paıdalanýǵa berildi. Nátıjesinde, úsh aýysymdy 4 mekteptiń máselesi sheshildi. Aldaǵy úsh jylda jan basyna qarjylandyrý júıesi arqyly 10 mektep qurylysy jeke ınvestorlarmen birlese júrgiziletin bolady. SPK «Shymkent» arqyly ınvestorlarǵa qolaıly arnaıy joba ázirlenip, júzege asyrylýda», - dedi Erlan Aıtahanov.