Shymkentte aldaǵy bes jylda 85 mektep salynbaq
«Prezıdent bilim berý salasyna basymdyq berdi. Qazir qalada 7020 oryndyq 13 mekteptiń qurylysy júrgizilip jatyr. Jyl sońyna deıin 5100 oryndyq 8 mekteptiń qurylysy aıaqtalyp, paıdalanýǵa beriledi», - dedi Murat Áıtenov Ortalyq kommýnıkatsııalar alańynda ótip jatqan baspasóz máslıhatynda.
Ákimniń aıtýynsha adaǵy 5 jylda 63 882 oryndyq 85 mekteptiń qurylysyn júrgizý boıynsha arnaıy jospar ázirlengen. Osynyń esebinen aýysymdy jáne apatty jaǵdaıdaǵy mektepter máselesi tolyǵymen sheshiledi.
«Qashyqtyqtan oqýdy uıymdastyrý maqsatynda búginge deıin 47 330 kompıýter alyndy. Osynyń nátıjesinde jyl basynda 28 oqýshyǵa bir kompıýterden aınalsa, qazir 4 oqýshyǵa bir kompıýter keledi. Memleket basshysynyń tapsyrmasy boıynsha osy jyly muǵalimder men tárbıshilerdiń eńbekaqysy 25 paıyzǵa kóterildi. Kelesi jyly taǵy 25 paıyzǵa kóbeıedi», - dedi ol.