Shymkentte alaıaqtyqpen jurtty tonap júrgen jalǵan polıtseı ustaldy
ShYMKENT. QazAqparat - Shymkentte jurtty tonap júrgen jalǵan polıtseı qolǵa tústi. Qazirdiń ózinde 34 jastaǵy alaıaqtyń 4 derekke qatysy bar ekeni anyqtalyp otyr, dep habarlaıdy QazAqparat tilshisi.
Kúdiktini ustaýǵa qala turǵynynyń aryzy sebep bolǵan. Ol Ál-Farabı polıtsııa bólimine kelip, tártip saqshysy tonap ketkenin aıtqan. Jekemenshik dúkenine ózin polıtsııa qyzmetkerimin dep tanystyrǵan adam qorqytý arqyly eki uıaly telefony men satýǵa qoıylǵan taýaryn alyp ketipti. Osy oqıǵadan keıin jedel izdestirý sharalaryn júrgizgen ishki ister qyzmetkerleri qylmys ústinde seziktini qolǵa túsirdi. Tergeý barysynda onyń 4 adamdy aldap ketkeni anyqtaldy. Ol tipti jasóspirimdi de qorqytý arqyly smart-saǵatyn urlap alǵan. Zattaryn tintý barysynda jalǵan kýálik te tabyldy.
Qazirgi tańda kúdikti qamaýǵa alynyp, onyń ústinen «Tonaý» jáne «Alaıaqtyq» baptarymen qylmystyq is qozǵaldy. Tergeý amaldary júrgizilýde.
Tártip saqshylary jergilikti turǵyndar arasynan osy alaıaqqa aldanǵandar bolsa «102» nómirine ne bolmasa kez kelgen polıtsııa bólimshesine habarlasýlaryn suraıdy.
