Shymkentte alaıaq nesıeni paıyzsyz rásimdeımin dep 15 adamdy aldap ketken
ShYMKENT. QazAqparat - Shymkentte alaıaq nesıeni paıyzsyz rásimdeımin dep klıentterdi aldap ketken, dep habarlaıdy QazAqparat tilshisi.
Ál-Farabı aýdandyq polıtsııa bólimine onshaqty turǵyn aryzdanyp, shaǵyn nesıe ortalyǵynyń qyzmetkeri aldap ketkenin kórsetken. Aıtýlarynsha, buryn sonda istegen maman nesıe alýǵa kómektesemin dep, aqshalaryn alyp qashyp ketipti. Jedel-izdestirý sharalaryn júrgizý barysynda polıtseıler 32 jastaǵy kúdiktini qolǵa túsirdi. Almaty qalasynyń týmasy shaǵyn nesıe berý ortalyǵynda jumys istep júrip, klıentterge 16 myńnan 100 myńǵa deıingi somada nesıe shyǵaryp otyrǵan. Keıin tutynýshylarǵa nesıeni paıyzsyz rásimdeýge usynys bildirip, qarajattardy óz atyna ashqan esepshotyna aýdartqan. Tergeý barysynda ustalǵan kúdiktiniń jábirlenýshilerge shamamen jarty mıllıondaı shyǵyn keltirgenin anyqtap otyr.
Qazirgi tańda kúdiktiniń ústinen Qylmystyq kodekstiń 190 «Alaıaqtyq» babymen sotqa deıingi tergeý amaldary júrgizilýde.
