Shymkentte alaıaq 70-ke jýyq telefon urlap ketken
ShYMKENT. QazAqparat - Shymkentte alaıaqtyqtyń jańa túri paıda boldy. Bir turǵyn ortalyq kóshelerde «Daı pozvonıt» dep uıaly telefonyn surap alyp, 70-ke tarta telefondy urlap ketken, dep habarlaıdy QazAqparat HAA tilshisi.
Abaı aýdandyq prokýratýrasynyń málimetinshe, kúdikti alaıaqtyq áreketin belgili bir júıemen jasaǵan. Aldymen oblys ortalyǵyndaǵy qoǵamdyq oryndarda ózi tanymaıtyn azamattardy syrttaı baqylap, ony zerttep alady. Keıinnen, qymbat baǵaly uıaly telefondary bar adamdardy izdep taýyp, olarmen áńgimelesken. ıAǵnı, óziniń uıaly telefonynyń birligi taýsylǵanyn, oǵan jeke basynyń ártúrli problemalary shyǵýyna baılanysty shuǵyl túrde bireýmen sóılesý kerek ekendigin aıtyp túsindiripti. Keıinnen teris qarap, uıaly telefonmen sóıleskendeı bolady. Al, jábirlenýshi baıqamaı turǵanda, telefondaryn jymqyryp kelipti.
«Tergeý barysynda «N» esimdi kúdiktiniń 2016 - 2017 jyldar aralyǵynda osyndaı tásilmen 70-ke jýyq adamnyń uıaly telefondaryn jymqyrǵany anyqtalyp otyr. Qazirgi tańda onyń ústinen Qylmystyq kodekstiń «Alaıaqtyq» jáne «Tonaý» baptarymen is qozǵaldy. Abaı aýdany sotynyń qaýlysymen kúdiktige 2 aı merzimde «kúzetpen ustaý» túrindegi bultartpaý sharasy qoldanyldy»,-deıdi Abaı aýdanynyń prokýrory Sultan Ormanov.
Polıtseıler sondaı-aq telefon tonaýshynyń ózge de qylmystarǵa qatystylyǵyn tekserip jatyr.
