Shymkentte Ál-Farabı aýdanynyń ákimi turǵyndarǵa esep berdi
Eseptik kezdesý «Sáýle» shaǵynaýdanynda ornalasqan №129 jalpy orta mektebinde ótip, oǵan Shymkent qalasy ákiminiń orynbasary Buharbaı Parmanov qatysty.
2019 jyly atqarylǵan jumystarǵa toqtalǵan Ǵabıt Máýlenqulov óz baıandamasynda halyqpen tıimdi keri baılanys ornatý, áleýmettik kómek jáne memleketten beriletin járdemaqylar, bilim jáne densaýlyq salasy, aýdanǵa tartylǵan ınvestıtsııalar kólemi, kóshelerge ortasha jáne aǵymdaǵy jóndeý júrgizý, jaryqtandyrý men ınfraqurylym máseleri boıynsha atqarylǵan jumystar men aldaǵy josparlar jóninde baıandady.
Júzdesýge «Sáýle», «Otkorm», «195 oram», «Zabadam», «Hımfarm» shaǵynaýdandarynyń turǵyndary ózekti máselelerdi de kóterip, olar boıynsha tıisti jaýaptar aldy. Jınalǵan halyq ákimniń jumysyn qanaǵattanarlyq dep baǵalady.
Sondaı-aq jıynǵa aýdandyq ardagerler keńesiniń músheleri, qalalyq máslıhat depýtattary, «Nur Otan» partııasy men qalalyq kommýnaldyq qyzmet mekemeleriniń ókilderi, tıisti salalardyń basqarma basshylary jáne BAQ qatysty.
