Shymkentte aqyn Hanbıbi Esenqaraqyzynyń shyǵarmashylyq keshi ótti

ShYMKENT. QazAqparat – Shymkentte aqyn Hanbıbi Esenqaraqyzynyń shyǵarmashylyq keshi ótti. «Rýhanı jańǵyrý» baǵdarlamasynyń aıasynda uıymdastyrylǵan «Mártebeli poezııa minberiniń» tórinde «Alash» ádebı syılyǵynyń laýreaty, «Parasat» ordeniniń ıegeri, QREńbek sińirgen qaıratkeriniń shyǵarmashylyǵy nasıhattaldy, dep habarlaıdy QazAqparat tilshisi.

Keshke jınalǵandar aldymen «Otyrar» kitaphanasynyń ekinshi qabatyndaǵy qalamgerdiń shyǵarmashylyǵyna arnalǵan kitap kórmesin tamashalady. Aqynnyń «Jibek» atty kitabyn ózbek tiline aýdarǵan Saǵataı Kamalqyzy men Zokırjan Momınjanov, Abdýgappar Abdýraýovtar sóz alyp, kesh ıesine quttyqtaý lebizin bildirdi. Al, aqyn Anar Japparqulova Hanbıbi Esenqaraqyzyna arnaý óleńin oqyp, astarly jyr joldaryn tókti.

Kesh barysynda OQMPÝ stýdentteri aqynnyń jyrlarynan ádebı kompozıtsııa oqydy. Shymkent qalalyq mádenıet úıiniń ánshileri aqynnyń sózine jazylyp, halyq arasynda keńinen tanylyp ketken «Núrıkamal», «Altynaı» sııaqty ánderdi oryndady. Al, QR Mádenıet qaıratkeri Hadısha Shalabaeva kesh ıesiniń «Dos izdedim» degen óleńine án jazǵan eken, sony oryndap berdi. Aqyn Hanbıbi Esenqaraqyzynyń ózi Abaıdan terip alǵan óleńderimen qatar «1997 jyl. Qys» sııaqty óleńderin oqydy. Abaıdy poezııanyń paıǵambaryna teńedi. Sonymen birge «Poezııa mahabbatpen bastalyp, parasatpen aıaqtalýy kerek» degendeı pálsapaly oılaryn da jetkizdi.