Shymkentte «aqyldy» turaq jobasy keri qaıtaryldy

ShYMKENT. QazAqparat - Shymkent kóshelerinde «aqyldy» kólik turaqtaryn ornatý boıynsha joba qaıta jetildirý úshin keri qaıtaryldy, dep habarlaıdy Habar24.kz.

Intellektýaldy júıe qalanyń kólik qozǵalysy joǵary kóshelerinde pılottyq rejımde qoldanylǵan. «Shymkent» áleýmettik kásipkerlik korporatsııasynyń habarlaýynsha, joba turǵyndar arasynda narazylyq týǵyzyp, kútken nátıje bermegen. Sol sebepti jobany qaıta qaraý sheshimi qabyldanǵan. Jobany qoldanysqa qaıtadan engizý merzimi naqty aıtylmaǵanymen, túpkilikti bas tartýǵa negiz joq deıdi mamandar.

Aıta ketken jón, megapolıste biryńǵaı turaq júıesin engizý memlekettik-jekemenshik seriktestik negizinde qolǵa alynǵan.

«Qalada kólik turaǵy máselesi ózekti bolyp tur. Shymkentte zańyz turaqtar kóp. Bul keleńsizdiktermen kúresý ázirge nátıje bermeı otyr», - deıdi «Shymkent» áleýmettik kásipkerlik korporatsııasynyń basshysy Ábilseıit Rabaev.

Endi «aqyldy» turaq jobasyn qaıta qarastyrý kezinde turǵyndardyń da pikiri eskerilmek.