Shymkentte akademııalyq eskek esýden el kýbogy úshin jarys aıaqtaldy
ASTANA. QazAqparat - Jarysqa elimizdiń barlyq óńirinen 66 eskek esýshi qatysty. Olar eki kún boıy ózderiniń myqtylyqtaryn tanytty. Asa tartysty ótken jarystyń birinshi kúninde ońtústiktiń sportshylary alǵashqy altyndy jeńip aldy. Erler arasyndaǵy juptyq saıysta Aleksandr Afanasev pen Baısangýr Tsatyshaev jeńis tuǵyrynan kórindi.
Al, elordalyq Abdýraşıd Ermatov pen Artem Kýrochkın ekinshi oryndy enshiledi. Eki jas ereksheligi boıynsha órbigen saıysta komandalyq esepte 4 altyn, 5 kúmis, 1 qola medal alǵan Qaraǵandy oblysynyń sportshylary 1-oryndy, 2 altyn, 3 qola medal enshilegen astanalyq eskekshiler 2-oryndy utyp alsa, 3-orynǵa bir altyny bar Ońtústik Qazaqstan oblysynyń sportshylary jaıǵasty.
Aıta keteıik, eskek esýden aýqymdy jarysty ótkizý Qazaqstan Respýblıkasynyń baıdarka jáne eskek esýden sport sheberi, Qazaqstan Respýblıkasynyń eńbek sińgen jattyqtyrýshysy, pedagogıka ǵylymdarynyń magıstri, Ońtústik Qazaqstan oblysynyń baıdarka jáne eskek esý sporty federatsııasynyń prezıdenti Denıs Jarmenovtiń usynysymen júzege asqan bolatyn.
