Shymkentte aǵashtaǵy qardy silkip túsirýge qomaqty qarjy bólingeni ras pa

ShYMKENT. QazAqparat- Shymkentte aǵashtaǵy qardy túsirýge qomaqty qarjy bólingeni týraly aqparat shyndyqqa janaspaıdy. Bul týraly Shymkent qalasy ákiminiń orynbasary Erǵalı Bilisbekov aıtyp ótti, dep habarlaıdy QazAqparat tilshisi.

Áleýmettik jelilerde Shymkentte aǵashtardyń qaryn silkip, túsirýge bıýdjetten 600 mıllıon teńge qarjy bólingeni týraly aqparat tarady.

Osyǵan baılanysty qala ákiminiń orynbasary Erǵalı Bilisbekov aqparattyq-kommýnıkatsııalar ortalyǵynda brıfıng berdi.

Ákim orynbasary Shymkent qalasynyń 2022-2024 jyldarǵa arnalǵan bıýdjeti Qazaqstan Respýblıkasynyń tıisti zańdarynda kórsetilgen talaptarǵa sáıkes qalyptastyrylatynyn jáne qalanyń jasyl jelekterin kútip ustaý, jańa aǵashtar otyrǵyzý, merzimdik dárileý, sýarý, butaý, aqtaý jáne qardan tazartý sekildi birneshe jumysty qamtıtynyn jetkizdi.

Sondaı-aq, osy jumystardy atqaratyn azamattardyń eńbekaqysy, sol jumysqa paıdalanylatyn kólik pen arnaıy tehnıkanyń janar-jaǵarmaıy men ózge de shyǵyndary kiretinin aıtty.

«Shymkent qalasynyń terrıtorııasy 116 myń gektardy alyp jatyr. Qazirgi ýaqytta qala aýmaǵynda 6 mıllıonnan astam túp aǵash bar. Budan bólek, qala aýmaǵynda 8 saıabaq pen 39 gúlzar bar. Al, maqalada kórsetilgen qardy silkip túsirý jumystary jalpy jasyl jelekti kútip ustaý jumystarynyń kóptegen baǵyttarynyń bir tarmaǵy ǵana. ıAǵnı, mundaı jumystar qaýipsizdik maqsatynda adamdar jıi júretin kópshilik oryndardaǵy 66 220 túp aǵashta júrgiziledi dep josparlanyp, qarjylyq smetalyq shyǵyndary 891,4 myń teńge (600 mıllıon emes) qaralǵan»,-dedi E.Bilisbekov.

Al, eger qys mezgilinde qar jaýmaǵan jaǵdaıda bul qarjy tolyqtaı bıýdjetke keri qaıtarylady.

Qala ákiminiń orynbasary jelide taralǵan aqparat shyndyqqa janaspaıtynyn aıtyp, BAQ ókilderinen resmı jáne shynaıy aqparatty taratýǵa shaqyrdy.