Shymkentte aǵash satatyn bazar órtendi

ShYMKENT. QazAqparat – Shymkentte aǵash bazary órtendi. Jalyn saýda nysanynyń aýlasynan shyǵyp, ashyq alańda jınalyp turǵan aǵash janyp ketken, dep habarlaıdy QazAqparat tilshisi.

Qalalyq tótenshe jaǵdaı departamenti baspasóz qyzmetiniń málimetinshe, órt týraly habarlama «101» pýltine kúndizgi saǵat 12:15-te túsken. Qaıtpas-2 móltek aýdanynda ornalasqan bazardyń alańynda kólemi 290 sharshy metrge jınalǵan aǵash otqa oranǵan. Oqıǵa ornyna jeke quramynan 51 sóndirýshi men 8 tehnıkasy, qosymsha jergilikti atqarýshy organdary tarapynan 3 sý tasyǵysh kóligi jumyldyrylǵan.

«Órt saǵat 12:52-de oqshaýlanyp, saǵat 13:42-de tolyǵymen sóndirilgen. Zardap shekkender men kóz jumǵandar joq. Órttiń shyǵý sebepteri anyqtalýda» delingen habarlamada.