Shymkentte adasyp qalǵan búldirshindi áskerı jasaq sarbazdary taýyp aldy

ShYMKENT. QazAqparat  -  Shymkentte  Ulttyq ulanǵa qarasty 6506 áskerı bóliminiń sarbazdary qalada adasyp qalǵan búldirshinniń ata-anasymen tabysýyna sebepshi boldy, dep habarlaıdy QazAqparat.

QR Ulttyq ulany «Ońtústik» óńirlik qolbasshylyǵy baspasóz qyzmetiniń málimetinshe, jasaq sarbazdary tamyzdyń 29-y kúni keshqurym adasyp qalǵan 5-6 jas shamasyndaǵy búldirshindi taýyp alǵan. Kishkentaı qyz  ata-anasymen týystarynyń úıine qonaqqa kelgenin, keıinnen dalaǵa oınaýǵa shyqqanda kelgen úıinen adasyp qalǵanyn aıtypty. Sodan qaıda bararyn bilmeı, daǵdaryp turǵan beti osy eken.

 «Quramynda áskerı jasaq bastyǵy efreıtor B. Ryspaı jáne qatardaǵy jaýyngerler R.Júsip pen J.Sınıtsynder búldirshinnen jónin suraı kele, onyń adasyp qalǵanyn biledi. Olar  tártip boıynsha tıisti oryndarǵa habar beredi.  Kishkentaı qyz tabylǵan jerge kámelet jasqa tolmaǵandar isi jónindegi ınspektor leıtenant M.Tashaı da keledi. Sońynan ishki ister organdarynyń qyzmetkerleri búldirshinniń ata-anasyn taýyp,  aman-esen tabys etti», delingen habarlamada.

 Osylaısha kishkentaı búldirshin áskerı jasaqtyń kómeginiń arqasynda ata-anasymen tabysqan.