Shymkentte adam qaǵyp óltirip, qashyp júrgen júrgizýshi ustaldy
ShYMKENT. QazAqparat - Shymkentte kóligimen er adamdy qaǵyp ketip, oqıǵa ornynan boı tasalaǵan júrgizýshi quqyq organdarynyń qolyna tústi, dep habarlaıdy QazAqparat HAA tilshisi oblystyq ІІD baspasóz qyzmetine silteme jasap.
Eske salaıyq, 2016 jyldyń 31 qańtary kúni qala kósheleriniń birinde jaıaý júrginshini kólik qaǵyp ketken bolatyn. Júrgizýshi kómek kórsetýdiń ornyna, boı tasalaǵan. 1966 jyly týǵan azamat alǵan jaraqattary saldarynan oqıǵa ornynda qaza boldy.
Atalmysh fakti boıynsha óńir polıtseıleri Qylmystyq Kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» jáne «Jol-kólik oqıǵasy bolǵan jerden ketip qalý» baptarymen is qozǵap, kúdiktige izdeý jarııalaǵan bolatyn.
Kólik júrgizýshisi bir jarym aıdan keıin tártip saqshylarynyń qolyna tústi. Ol 1985 jyly týǵan Shymkent qalasynyń turǵyny bolyp shyqty. Adam ólimine kináli júrgizýshiniń «Aýdı 100» kóligi aıyp turaǵyna qoıyldy. Qazirgi tańda sezikti ýaqytsha tergeý abaqtysyna qamalyp, tergeý amaldary júrgizilýde.
