Shymkentte «Adaldyq alańy» jobalyq keńsesi ashyldy
Keńsede kez kelgen azamat bılik ınstıtýttaryna senim arta alady. Ol úshin barlyq jaǵdaı jasalǵan. Munda halyq memlekettik qyzmet kórsetý, bilim, áleýmet, sáýlet jáne qala qurylysy men jer qatynastary salalaryna qatysty aqparat alyp, qajetti qujattaryn tapsyrady.
Aıta keteıik, Shymkentte «Adaldyq alańyn» qurý bastamasy qala ákimdigi tarapynan qoldaý tapty. Sebebi, keńseniń qyzmeti halyqqa sybaılas jemqorlyqtan qutylýǵa múmkindik beredi. Aldaǵy ýaqytta agenttik qyzmetkerleri jobanyń tıimdiligin baǵalaý úshin áleýmettik zertteý júrgizbek.
«Bul joba qala turǵyndary arasynda sybaılas jemqorlyqqa qarsy mádenıetti qalyptastyrýǵa yqpal etedi. Sondaı-aq qoǵamdyq baqylaýdy júzege asyrý kezinde azamattyq qoǵammen tyǵyz ózara is-qımyldy qamtamasyz etedi dep úmittenemiz»,- dedi QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Oljas Bektenov.
Munan soń, QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary M.Áýezov atyndaǵy Ońtústik Qazaqstan memlekettik ýnıversıtetinde bolyp, ondaǵy «Smart Square» stýdentterge qyzmet kórsetý ortalyǵynyń jumysymen tanysty. Bul júıe sybaılas jemqorlyqtyń aldyn alýdyń bir baǵyty sanalady. Ortalyqta izdenýshilerge 200-ge jýyq qyzmet kórsetiledi. Munda 50 adam jumys isteıdi. Stýdentter óz-ózine qyzmet kórsetý arqyly bıýrokratııany joıa alady.
