Shymkentte 900 pəterdi quraıtyn 30 kópqabatty úı berile bastaldy
ASTANA. QazAqparat - 2015 jyly Shymkent qalasy «Asar» shaǵyn aýdanynda 5 qabatty 30 turǵyn úıdiń qurylysy bastalǵan bolatyn. 900 páterdi quraıtyn jańa turǵyn úı alabynyń qurylysyna 7 mıllıard 652 mıllıon teńge jumsaldy. Búginde turǵyn úılerdiń qurylysy tolyq aıaqtalyp, turǵyndardy qonystandyrý isi bastaldy. Jańa jyldyń aldynda oblys ákimi Janseıit Túımebaev qýanyshqa kenelgen eń alǵashqy 42 otbasyǵa páter kiltin saltanatty túrde tabystady, dep habarlaıdy OQO ákimdiginiń baspasóz qyzmeti.
«Tuńǵysh Prezıdentimizdiń kóshbasshylyǵymen Qazaqstan jańa turǵyn úı qurylysy baǵdarlamasyn iske asyryp jatqan sanaýly memleketterdiń biri. Shymkent qalasynda «Óńirlerdi damytý - 2020» jáne «Nurly jol» memlekettik baǵdarlamalarynyń aıasynda 2015-2016 jyldary 82 kópqabatty turǵyn úı paıdalanýǵa berildi. 5636 otbasy jańa baspanalarda qonys toılaryn toılady», - dedi oblys basshysy.
Aımaq basshysy bıyl oblysymyzda 80 myńǵa jýyq sábı ómirge kelgenine toqtalyp, turǵyn úı salý jumysy aldaǵy jyly da qarqyn alatynyn jetkizdi. Sondaı-aq jańa pəter ıelerin aýlalardy kógaldandyrý men tal egý jumystaryna belsendi túrde qatysýǵa shaqyrdy.
Aıta keteıik, «Asardaǵy» 5 qabatty 30 turǵyn úıdiń qurylysyn «Korporatsııa AQ ordasy» JShS-gi júrgizgen. Jańa páterler turǵyndarǵa jalǵa alý quqyǵymen uzaq jylǵa berilip otyr. Mundaǵy baspanalardyń bir bólmelisi - 42, eki bólmelisi 54, úsh bólmelisi 74 sharshy metrli 900 páterdi quraıdy.
Aıta keteıik, «Asar» shaǵynaýdanynan paıdalanýǵa beriletin 900 páterge jalǵa berý júıesi boıynsha «E-gov» portaly arqyly 4076 ótinish qabyldanǵan.
