Shymkentte 90 jastaǵy keıýana pnevmonııadan jazylyp shyqty

ShYMKENT. QazAqparat – Shymkentte 90 jastaǵy ájeı pnevmonııadan jazylyp shyqty. Keıýana ókpesiniń eki jaqty pnevmonııasymen jansaqtaý bóliminde emdelgen bolatyn, dep habarlaıdy QazAqparat tilshisi.

Qart kisi aýyr halde kardıologııalyq ortalyqqa jedel járdemmen jetkizilgen. Naýqasty teksergen mamandar onyń ókpesiniń zaqymdanǵanyn anyqtap, eki jaqty pnevmonııa dıagnozyn qoıǵan. Densaýlyq jaǵdaıynyń aýyrlaýyna baılanysty dárigerler ájeıdi birden jansaqtaý bólimine jatqyzǵan. Onda naýqasqa emdeý hattamasyna sáıkes medıtsınalyq kómek kórsetilip, nátıjesinde densaýlyǵy jaqsarǵan. Al, 28 shilde kúni ol aýrýhanadan shyǵaryldy. Dárigerler 90 jastaǵy keıýananyń qazirgi jaǵdaıy jaqsy dep otyr. Óz kezeginde qaýipti aýrýdan aman qalǵan ájeı medıtsına mamandaryna alǵysyn aıtyp, batasyn berdi.