Shymkentte 90 jastaǵy qarııa koronavırýs vaktsınasyn saldyrdy

ShYMKENT. QazAqparat - Shymkent qalasynyń 90 jastaǵy turǵyny Qýanysh Abdýrahmanov jergilikti tirkelgen emhanasyna kelip, koronavırýs vaktsınasyn saldyrdy, dep habarlaıdy QazAqparat Densaýlyq saqtaý mınıstrligine silteme jasap.

Bir ǵasyrǵa jýyq ómir súrgen qarııa Shymkent qalasynyń qurmetti azamaty. Álemde bolyp jatqan jaǵdaıdan kúndelikti habardar bolyp otyrǵan qart kisi vaktsına qabyldaýdy jón kórgen.

Ekpeden aldyn Qýanysh qarııany dárigerler tekserýden ótkizgen. Qarsy kórsetilimder bolmaǵandyqtan, «Spýtnık-V» vaktsınasynyń І-komponentin ekti.

«Oılana kele óz erkimen kovıdke qarsy vaktsınany saldyrttym. Osylaısha biz vırýsty jeńemiz. Kópshilikke aıtarym, vaktsınadan qorqýdyń qajeti joq. Ekpeni saldyrtý qajet dep oılaımyn», - deıdi aqsaqal.

Aıta keteıik, Qýanysh qarııanyń otbasy músheleriniń barlyǵy vaktsına saldyrǵan.

Ekpeniń birinshi komponettin saldyrǵan qarııa arada 21 kúnnen keıin vaktsınanyń ekinshi komponenttin qabyldaýy qajet.