Shymkentte 90 otbasyǵa qyzmettik páterler berildi
ASTANA. QazAqparat - Búgin Ońtústik Qazaqstan oblysynyń ákimi Janseıit Túımebaev memlekettik qyzmet jáne mádenıet salasynda eńbek etip júrgen 90 qyzmetkerge páter kiltterin tabys etti.
«El Táýelsizdiginiń 25 jyldyǵyn merekeleý aıasynda jańa páterge qol jetkizip otyrsyzdar. Osy sát sizderdiń ómirlerińizdiń jarqyn kezeńi bolsyn. Jańa jylda jańa qonystaryńyz jaıly da, berekeli bolýyna shyn júrekten tilektespin», - dedi oblys ákimi. 
Shymkenttegi ákimshilik-iskerlik ortalyǵynda ornalasqan 5 qabatty eki turǵyn úıdiń jalpy aýdany 6024 sharshy metrdi quraıdy. Oblys bıýdjetinen 717,5 mln teńge baǵyttalǵan turǵyn úıdiń qurylysyn «QazmedeoGrand» JShS júrgizgen. Páterler qyzmettik bolyp tabylady jáne jekeshelendirýge jatpaıdy.
Aıta keteıik, byltyrǵy jyly oblysta memlekettik jáne bıýdjettik sala mamandaryna 51 qyzmettik páter berildi. Sondaı-aq, 2015-2016 jyldary Shymkentte «Óńirlerdi damytýdyń 2020 jylǵa deıingi» jáne «Nurly jol» memlekettik baǵdarlamalary aıasynda 80 turǵyn úı paıdalanýǵa berilip, 5420 otbasy qonys toıyn toılady.
