Shymkentte 90 kópqabatty úı jóndeý jumystaryn qajet etedi
ShYMKENT. QazAqparat - Shymkentte kónergen kópqabatty úıler jóndeýden ótkizilip jatyr. Bıyl qalada seısmonyǵaıtý jumystary 7 úıde júrgiziletin bolady, dep habarlaıdy QazAqparat HAA tilshisi.
Jaýapty mamandardyń málimdeýinshe, jóndeý jumystaryna qazynadan 723 mln teńge qarjy bólingen. 7 úıdegi qurylys jumystaryn 6 merdiger mekeme atqarady dep josparlanyp otyr. Qazir Baýyrjan Momyshuly dańǵylyndaǵy eki úıde qurylys qarqyn alǵan. Olardyń qasbetteri jańalanyp, shatyry aýystyrylady. Sonymen qatar qabyrǵalary bekitiledi. Atalǵan jóndeý jumystaryna kópqabatty úıdegi turǵyndardan qarjy jınalmaǵan. Qurylys jergilikti bıýdjet esebinen júzege asýda.
Eske sala ketsek, bul 7 turǵyn úıden bólek qaladaǵy 90 kópqabatty úı jóndeý jumystaryn qajet etedi. Qazir onda seısmıkalyq zertteý jumystary bastaldy.
