Shymkentte 9 jyl buryn jasalǵan qylmysqa qatysty sot otyrysy ótýde
ShYMKENT. QazAqparat - Shymkentte 9 jyl buryn jasalǵan qylmysqa qatysty sot otyrysy ótýde. Eńbekshi aýdandyq sotynda qaralyp jatqan protseste jergilikti kásipker eki polıtseıdiń zańsyz bostandyǵyn shektep, uryp-soqqany boıynsha aıyptalýda, dep habarlaıdy QazAqparat tilshisi.
Sot barysynda anyqtalǵany, birneshe qurylys dúkenderiniń qojaıynyna 2009 jyly jasalǵan qylmys boıynsha úsh bappen aıyp taǵylǵan. ıAǵnı, toǵyz jyl buryn polıtsııanyń kezekshi bólimine qaladaǵy saýnalardyń birinde eki áıeldi bir er adamnyń uryp-soǵyp jatqany týraly habarlama túsken. Oqıǵa ornyna barǵan eki polıtseı kútpegen jerden qarsylyqqa tap bolady. Kúzetshiler ekeýiniń qoldarynan qaıyryp, qojaıyny aýyzdaryna araq quıǵan.
Sotta bir kýáger osy oqıǵanyń basy-qasynda bolǵanyn, sol kórinisti bastan-aıaq kórgenin jetkizdi. Onyń sózinshe, polıtseılerge qol kótergenimen qoımaı saýna qojaıyny olardy urlyq qylmysyn jasady dep kórsetkisi kelgen. ıAǵnı, ishki ister qyzmetkerleriniń «Nıva» kóligine kafelder salyp, basqa jol patrýldik polıtsııa tobyn shaqyrtqan.
Onyń ne sebepti bul qylmys týraly arada jyldar salyp baryp aıtý sebebi «dosymnyń ózi sol kezde-aq máseleni ýshyqtarmaı sheshemin» degen sózi sebep boldy dep túsindirdi.
Dese de kýágerdiń bul sózderine iske qatysyp otyrǵan prokýror da, qorǵaýshy da senbeıtinin málimdedi. Óıtkeni kýáger men aıyptalýshynyń arasynda qaryz daýy bolyp, qarym-qatynastary buzylyp ketken bolatyn.
