Shymkentte 9 jastaǵy oqýshy qyzdy kólik qaǵyp ketti
ShYMKENT. QazAqparat - Shymkentte 9 jastaǵy oqýshy qyzdy kólik qaǵyp ketti. Túrli dene jaraqatyn alǵan jetkinshek oblystyq balalar aýrýhanasyna jetkizildi, dep habarlaıdy QazAqparat tilshisi.
Jol kólik oqıǵasy jaıynda jaraqat alǵan qyzdyń anasy Instagram áleýmettik jelisine sýretterin salyp, júrgizýshige qatysty pikiri qaldyrdy.
«Kósheniń burylysynda 2008 jyly týǵan 9 jastaǵy qyzymdy qaǵyp ketti. Júrgizýshi boıjetken otyrǵan kólik qatty soqqydan qyzymdy 5 metr jerge ushyryp jiberdi. Júrgizýshi kólikten túse sala kóligime zaqym keldi dep aıqaıǵa basty. Ol kezde aınaladaǵy adamnyń barlyǵy meniń qyzyma kómekke keldi»,- delingen paraqshada.
Bul oqıǵaǵa qatysty oblystyq ІІD baspasóz qyzmeti túsinik berdi.
«Oqıǵa ornyna aýdandyq polıtsııa bóliminiń kezekshi ınspektory baryp, rýlde «Toıota-kamrı» avtokóliginiń 1991 jyly týǵan júrgizýshi bolǵany anyqtady. Qazirgi tańda avtokóliktiń júrgizýshisine qatysty Ákimshilik quqyqbuzýshylyq kodekstiniń 610-baby 2-bóligine sáıkes ákimshilik hattama toltyryldy» delingen habarlamada.
Polıtseılerdiń málimetinshe, jaraqat alǵan jetkinshek aýrýhanadan shyǵarylǵan soń, aýrý tarıhy negizinde birqatar saraptamalar taǵaıyndalatyn bolady. Onyń qortyndysyna sáıkes, OQO ІІD Jergilikti polıtsııa qyzmetiniń qyzmetkerleri kináli júrgizýshige qatysty sońǵy protsessýaldyq sheshim qabyldanady.
