Shymkentte 9 jastaǵy bala tokqa túsip qaldy

ShYMKENT. QazAqparat - Shymkentte 9 jastaǵy balany tok soǵyp, aýrýhanaǵa tústi, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, oqys oqıǵa búgin saǵat 09.25-ter shamasynda Erimbetov kóshesindegi kópqabatty úılerdiń birinde bolǵan.

Zardap shekken bala anasynyń aıtýynsha, balasy úıdiń jertólesinde ornalasqan elektr qalqanyndaǵy tokqa soǵylǵan.

«Balaǵa bas terisiniń kúıigi, 3 dárejeli elektr jaraqaty degen dıagnoz qoıylǵan. Qazirgi tańda ol qalalyq balalar aýrýhanasynyń jansaqtaý bóliminde jatyr. Jaǵdaıy aýyr dep baǵalanýda» delingen TJD habarlamasynda.