Shymkentte 9 jasar qyzǵa zorlyq áreketterin jasaǵan kúdikti ustaldy

ShYMKENT. QazAqparat - Shymkentte 9 jasar qyzǵa zorlyq áreketterin jasaǵan kúdikti qamaýǵa alyndy. Bul týraly Shymkent qalalyq Tergeý sotynyń sýdıasy Serjan Aınabekov málim etti, dep habarlaıdy QazAqparat tilshisi.

«1960 jyly týǵan Ózbekstan Respýblıkasynda týǵan, qazirgi tańda Shymkent qalasynda turatyn kúdiktige Abaı aýdandyq soty tarapynan eki aıǵa qamaýǵa alý týraly sot sanktsııasy berildi. Kúdiktige qatysty  QR Qylmystyq kodeksiniń 121 baby 4 bóligi  ("Seksýaldyq sıpattaǵy zorlyq-zombylyq áreketteri")  boıynsha is qozǵalǵan",-  deıdi sýdıa Serjan Aınabekov.

Aıta keteıik, dál osyndaı taǵy bir jaǵdaı shilde aıynda tirkelgen bolatyn. Onda da ógeı ákesi 14 jastaǵy jasóspirimdi ishimdik ishkizip, zorlaýǵa árekettengen. Alaıda qyzdyń anasy polıtsııaǵa aryzdanyp, zorlaý áreketiniń aldyn alǵan.