Shymkentte 9 jasar qyzdy zorlady dep kúdikke ilingen azamat ustaldy
«ІІM men Shymkent qalalyq PD qyzmetkerleri júrgizgen jedel izdestirý sharalary barysynda 5 qańtar kúni kámelet jasyna tolmaǵan jasóspirimdi zorlady degen kúdikti ustaldy. Sezikti Almaty qalasynyń turǵyny bolyp shyqty. Shymkent qalasy Polıtsııa departamenti jedel-tergeý toby qyzmetkerleri kásibıligi men úılesimdi jumysynyń arqasynda qysqa merzim ishinde qylmystyń izin sýytpaı hronologııasyn quryp, kináli adamnyń izine túsken. Ustalǵan azamattyń qylmysqa qatystylyǵy kýáler men jábirlenýshiniń ózi bergen túsinikterimen rastalady. Іsti tergeý jalǵasyp jatyr. Ózge aqparat QR QPK-niń 201-babyna sáıkes jarııalanýǵa jatpaıdy» delingen Shymkent qalalyq PD baspasóz qyzmetiniń habarlamasynda.
Aıta keteıik, buǵan deıin Shymkentte ıesiz úılerdiń birinde 9 jasar qyzdy belgisiz bireý zorlap ketken bolatyn. Atalǵan qylmys jasóspirim qyzdyń jattyǵýdan úıine qaıtyp kele jatqan sátinde bolǵan. Artynsha qylmyskerdi ustaýǵa polıtseılermen qatar jergilikti turǵyndar atsalysqan edi. Keıinnen polıtseıler seziktiniń tulǵasyn anyqtaý men izdestirý sharalary júrgizilip jatqanyn habarlaǵan.