Shymkentte 9 jasar qyzdy zorlady degen kúdikti izdestirilip jatyr
ShYMKENT. QazAqparat - Shymkent polıtseıleri 9 jasar qyzdy zorlady degen kúdiktiniń izdestirilip jatqanyn habarlady. Qalalyq polıtsııa departamentiniń málimetinshe, qazir tergeý amaldary júrip jatyr, dep habarlaıdy QazAqparat tilshisi.
Departamenttiń baspasóz qyzmeti qylmystyq istiń Shymkent qalalyq polıtsııa departamenti men prokýratýranyń baqylaýynda turǵanyn jetkizdi.
«5 qańtarda Shymkent qalalyq polıtsııa departamentine «K» esimdi azamatsha onyń jasóspirim qyzyn belgisiz bireýdiń zorlaǵanyn aıtyp, aryzdanǵan. Atalǵan jaıt boıynsha Qylmystyq Kodekstiń 120-baby 4-bóliginde kózdelgen qylmystyń belgileri boıynsha (kórineý jas balany zorlaý) sotqa deıingi tergep-tekserý amaldary bastaldy. Qylmyskerdi ustaýǵa baǵyttalǵan jedel izdestirý is-sharalary júrgizilýde. Tergeý nátıjesi týraly aqparat jurtshylyqqa kámeletke tolmaǵandardyń zańdy múddeleri men quqyqtary buzylmaıtyn, ruqsat etiletin kólemde jetkiziledi» delingen habarlamada.
Aıta keteıik, buǵan deıin Shymkentte ıesiz úılerdiń birinde 9 jasar qyzdy belgisiz bireý zorlap ketken bolatyn. Atalǵan qylmys jasóspirim qyzdyń jattyǵýdan úıine qaıtyp kele jatqan sátinde bolǵan. Artynsha qylmyskerdi ustaýǵa polıtseılermen qatar jergilikti turǵyndar da kiriskeni jarııa etilgen edi. Dese de, kúdikti áli kúnge tabylmaı jatyr.
