Shymkentte 85 mektep salynady
Bıyldyń ózinde mektepte oryn tapshylyǵy 23 myńǵa jetken. Bul ósim bes jylda 75 myńǵa jetedi. Al, keshendi jospar boıynsha 2025 jylǵa deıin 64 900 orynǵa arnalǵan 85 mektep qurylysy josparlanǵan.
«Qalǵan 10 000-ǵa jýyq oryndy kásipkerler ǵımarattaryn qaıta qurylymdaý, jalǵa alý arqyly jekemenshik mektepter ashý jolymen júzege asyrady dep kútilýde. Búgingi tańda qalamyzdaǵy toıhana ǵımarattaryn qaıta qurylymdaý arqyly bilim oshaǵyna aınaldyrý tájirıbesi birneshe toıhana ıelerine de oı salýda», - dedi bilim basqarmasynyń basshysy.
2021 jyly qaladaǵy apatty mektepter sheshimin tapsa, synypta tolymdylyǵy 35-40 oqýshy bolǵan 12 mektep 2022 jyly, al, úsh aýysymdaǵy 13 mekteptiń máselesi 2023 jyly tolyq sheshiledi.
Sonymen qatar, basqarma basshysy qazirgi tańda mektep salýǵa nıet bildirgen kásipkerler sany artqanyn tilge tıek etti. Onyń aıtýynsha aldaǵy ýaqytta ınvestorlar esebinen 6 mega, 10 zııatkerlik, 1 halyqaralyq deńgeıdegi mektepterge basymdyq bere otyryp, 46 áleýmettik mektep salý josparlanyp otyr.