Shymkentte 80 jastaǵy ájeı koronavırýstan jazylyp shyqty

ShYMKENT. QazAqparat - Shymkentte 80 jastaǵy ájeı koronavırýstan jazylyp shyqty, dep habarlaıdy QazAqparat tilshisi.

Dárigerler qart kisiden koronavırýs ınfektsııasyn der kezinde anyqtaǵan. Nátıjesinde ájeıdi emdeý kezinde asqynýlar bolmaǵan.

Conymen qatar, medıtsına mamandary 7 aılyq júktilik kezeńindegi áıelden koronavırýs ınfektsııasyn anyqtap, emdeý sharalaryn júrgizgen. Eki aptaǵa jýyq dárigerlerdiń baqylaýynda bolǵan kelinshektiń jaǵdaıy jaqsaryp, 7 maýsym kúni aýrýhanadan shyǵarylǵan. Qalalyq taýarlar men kórsetiletin qyzmetterdiń sapasy, qaýipsizdigin baqylaý departamentiniń málimetinshe naýryz aıynan beri úshinshi megapolıste COVID-19 1176 jaǵdaıy tirkelgen. Olardyń arasynda halyqaralyq júk tasymalynyń júrgizýshileri men Polshadan ushyp kelgen jolaýshy, Reseı Federatsııasynan kelgen azamattar men sonda jumys istep júrgender bar.