Shymkentte 8 synyp oqýshysy ózine qol jumsady
ShYMKENT. QazAqparat - Shymkentte 8 synyp oqýshysy ózine qol jumsady. Qaıǵyly oqıǵa 16 aqpan kúni keshki saǵat 19-dar shamasynda bolǵan. Bul týraly qalalyq ákimdiktiń baspasóz qyzmeti málim etti,dep habarlaıdy QazAqparat tilshisi.
«Qaladaǵy №113 mekteptiń 8 synyp oqýshysy A.Z. saǵat 18:30 shamasynda anasyna malǵa jem-shóp salamyn dep, qoraǵa ketken. Arada biraz ýaqyt ótkenimen balasy qaıtyp oralmaǵan. Odan soń anasy mazasyzdanyp, qoraǵa kirgende asylyp turǵan ulyn kóredi. Jetkinshektiń denesi qalalyq N1 aýrýhanaǵa jetkizildi. Jasóspirimniń óz ózine qol jumsaý oqıǵasy sotqa deıingi tergeýdiń biryńǵaı tizilimine tirkeldi. Sotqa deıingi tekserý júrgizilýde. Shymkent qalasynyń əkimdigi marqum oqýshylardyń otbasy men jaqyndaryna qaıǵylaryna ortaqtasyp, kóńil aıtady» delingen ákimdik taratqan habarlamada.
Aıta keteıik, bul Shymkenttegi jasóspirimderdiń arasyndaǵy óz ózine qol jumsaýdyń alǵashqy oqıǵasy emes. Buǵan deıin 10 aqpanda Qaınarbulaq saıajaıynda turatyn 11 synyp oqýshysy úıiniń aýlasynda asylyp qalǵan bolatyn. Ol óz ólimine kináli retinde alty adamnyń tizimin jazǵan qaǵaz tastap ketken edi. Qazir bul oqıǵa boıynsha Qarataý aýdandyq polıtsııa bólimi tarapynan qylmystyq is qozǵalyp, tergeý amaldary júrgizilip jatyr. Barlyq aqparat pen fakti tergeýdiń qupııalylyǵyna baılanysty jarııalanbaýda.
