Shymkentte 8 kólik soqtyǵysyp, 4 tonna qarbyz shashylyp qaldy

ShYMKENT. QazAqparat – Shymkentte bolǵan jol apatynan 4 tonna qarbyz shashylyp qaldy, jolda keptelis paıda boldy, dep habarlaıdy QazAqparat Otyrar.kz saıtyna silteme jasap.

Jol apaty 17 shilde kúni saǵat 14:00 shamasynda Jıdelibaısyn men Shardara kósheleriniń boıynda boldy.

8 kólik soqtyǵysyp, joldy jaýyp qaldy, sonyń saldarynan keptelis qalyptasty.

Aldyn ala málimetter boıynsha, Howo markili júk kóliginiń tejeýishi istemeı qalǵan.

Jol apatynan Howo júk kóligi men Gazel júrgizýshisi zardap shekti.

Gazel qarbyz tasymaldap bara jatqan bolatyn. 4 tonna qarbyzdyń barlyǵy ezilip, jol boıyna shashylyp qaldy.