Shymkentte 78 jastaǵy velosportshy Ózbekstanǵa saparlap shyqty
ShYMKENT. QazAqparat - Shymkentte 78 jastaǵy velosportshy Ózbekstanǵa saparlap shyqty. Keńesbek Seıtimbetov kórshi memlekettiń tarıhı Tashkent, Buhara, Samarqand qalalaryn aralap, eki el yntymaqtastyǵyn dáriptemekshi, dep habarlaıdy QazAqparat tilshisi.
Zeınetker sportshy bul sapardy Qazaqstandaǵy Ózbekstan jylyna oraılastyryp otyr. Bir aptanyń ishinde ózbek eliniń úsh qalasyn velosıpedpen aralap shyqpaq.
«Buǵan deıin Mekke men Medınaǵa, Reseı jáne Aýǵanstan eline jalǵyz saıahattadym. 75 jasymda el Táýelsizdiginiń 25 jyldyǵyna oraı Aýǵanstan astanasy Kabýlǵa deıin barǵan bolatynmyn. Ótken jyly Astanadaǵy «Ekspo» halyqaralyq kóresine baryp qaıttym»,- deıdi Keńesbek Seıtimbetov.
