Shymkentte 78 erli-zaıypty ajyrasýdan bas tartty
Almaty qalasynda Bas múftı Serikbaı qajy Orazdyń tóraǵalyǵymen ótken keńeıtilgen májiliste esep bergen bas ımam úshinshi megapolıstegi dinı turaqtylyq pen eldiń aýyzbirshiligin nyǵaıtý baǵytyndaǵy atqarylyp otyrǵan jumystar barysyn baıandady. QR Prezıdenti Qasym-Jomart Toqaevtyń Joldaýynda aıtylǵan qoǵamdy tolǵandyryp otyrǵan negizgi máselelerdi sheshý boıynsha tapsyrmasyn oryndaý maqsatynda din qyzmetkerleri tarapynan tıisti jumystar jasalyp jatqanyn atap ótti.
«Meshit janynan «Dinı, rýhanı keńes berý», «Ana men bala» bólmelerin ashtyq. 91 otbasymen jeke kezdesý ótip, 310 suraqqa jaýap berildi. Jumys nátıjesinde 78 otbasy qaıta tatýlasyp, ajyrasý týraly sheshimderinen bas tartty. Meshitimizde call center jumys isteıdi. Telegramm jelisi ashylyp, onda 9 din qyzmetkeri suraqtarǵa jaýap beredi. Telegramm jelisine 1460 adam tirkelgen. Tek sońǵy eki aı kóleminde 1575 suraqqa jaýap berildi»,- dedi Shymkent qalasynyń bas ımamy Baqtybaı Beısenbaev.
