Shymkentte 77 adamnyń koronavırýs juqtyrǵany anyqtaldy

ShYMKENT. QazAqparat – Shymkentte bir táýlikte koronavırýs ınfektsııasyn 77 adam juqtyrǵan. Naýqastardyń 68-i skrınıng nátıjesinde anyqtalyp, ınfektsııalyq statsıonarǵa jatqyzylǵan, habarlaıdy QazAqparat tilshisi.

Qalalyq tótenshe jaǵdaı shtabynyń málimetinshe COVID-19 dıagnozy naqtylanǵandardyń úsheýi Atyraý oblysynan kelgen bolsa, 2 adam halyqaralyq júk tasymalynyń júrgizýshisi ekeni anyqtaldy. Al, qalǵan 4 naýqas buryn aýyrǵandarmen qarym-qatynasta bolǵan.

Qazirgi tańda qaýipti indetke shaldyqqandardyń barlyǵy statsıonarlyq em qabyldap, olardyń jaǵdaıy qanaǵattanarlyq dep baǵalanyp otyr. Sondaı-aq, profılaktıkalyq is-sharalardy júrgizý úshin naýqastarmen qarym-qatynasta bolǵan adamdar anyqtalýda. Aýrý oshaqtarynda dezınfektsııalyq jumystar júrgizilýde.

Aıta keteıik, qazirgi ýaqytta qala boıynsha COVID-19 koronavırýs ınfektsııasyn juqtyrǵan 344 adam anyqtaldy.