Shymkentte 700-den astam etnıkalyq qazaq qandas mártebesin aldy
Jyl basynan beri Shymkentke shetelden 506 otbasy kóship kelgen. Al, 714 etnıkalyq qazaq «qandas» mártebesin aldy.
Qandastardyń deni Ózbekstan Respýblıkasynan qonys aýdarǵan – 701 adam. Qytaıdan – 3, Reseıden – 7, Qyrǵyzstannan – 1 jáne Aýǵanstannan 2 adam elge oralǵan. Olardyń basym bóligi qurylys salasynda jumys isteıdi, saýda-sattyqpen jáne basqa da jaldanbaly jumystarmen aınalysady.
Aıta ketsek, Shymkentte 2008 jyldan beri «Qandastardy beıimdeý jáne yqpaldastyrý ortalyǵy» qyzmet etedi. Shymkent qalasy jumyspen qamtý jáne áleýmettik qorǵaý basqarmasyna qarasty mekemede qandastarǵa turmystyq, áleýmettik, psıhologııalyq, quqyqtyq turǵyda kómekter usynylyp, kásibı daıarlaý boıynsha mamandyqtarǵa oqytý, jumysqa ornalastyrý qyzmetteri kórsetiledi. Ortalyqta búginde 13 otbasy – 29 adam beıimdeý qyzmetterin alyp jatyr.
Qalalyq «Eńbek mobıldiligi» ortalyǵy tarapynan 69 qandas jumyspen qamtýdyń belsendi sharalarymen qamtylǵan. Atap aıtqanda bos jumys oryndaryna, jastar praktıkasy jáne áleýmettik, alǵashky jáne qoǵamdyq jumys oryndaryna joldanǵan. 39 adam «Bastaý Bıznes» jobasy sheńberinde bilim alǵan.
