Shymkentte 70 jastaǵy áıeldi zorlamaq bolǵan qala turǵyny izdestirilip jatyr
17 jeltoqsanyn kúni shamamen saǵat 23:15 kezinde Eńbekshi aýdandyq polıtsııa basqarmasyna qart áıelge kómek kerek degen shaqyrtý kelip tústi.
Oqıǵa ornyna shuǵyl kelgen jedel tergeý toby úıdiń kireberisinde belgisiz bireýdiń 1950 jyly týǵan áıeldi zorlamaq bolǵanyn anyqtady.
«Sol kúni atalǵan jaıt QR QK 24-baby 3-bóligi-120-baby 1-bóligi (zorlaýǵa áreket etý) boıynsha tirkeldi. Qabyldanǵan sharalardyń arqasynda kúdiktiniń kim ekeni anyqtaldy. Ol - Shymkent qalasynyń turǵyny. Buǵan deıin birneshe ret sotty bolǵan. Oy ustaýǵa baǵyttalǵan barlyq qajetti sharalary jasalyp jatyr» delingen habarlamada.
Aıta ketý kerek, oqıǵa «Qazaqtelekom» kómegimen úıdiń kireberisine ornatylǵan beınebaqylaý kamerasyna túsip qalǵan.
Atalǵan kamera Shymkent qalasy polıtsııa departamentiniń jedel basqarý ortalyǵyna qosylǵan.