Shymkentte 70 adamnyń uıaly telefonyn qoldy etken ury ustaldy
ShYMKENT. QazAqparat - Shymkentte polıtseıler uıaly telefondardyń urlyǵymen aınalysyp kelgen alaıaqty qolǵa túsirdi.
Qazirdiń ózinde onyń 70 urlyq deregine qatystylyǵy anyqtalyp otyr, dep habarlaıdy QazAqparat HAA tilshisi oblystyq ІІD baspasóz qyzmetine silteme jasap. 
Belgili bolǵandaı, kúdikti qaladaǵy aýrýhanalardyń birinde boıjetkenniń uıaly telefonyn qoldana turýǵa surap alyp, keıin belgisiz jaqqa qashyp ketken. Tanymaıtyn adamǵa aldanyp qalǵan turǵyn polıtsııaǵa aryzdanady. Jedel-izdestirý sharalaryn júrgizgen tártip saqshylary sezikti retinde 1984 jyly týǵan qala turǵynyn ustady. Tekserý barysynda onyń alaıaqtyq, tonaý jáne bótenniń múlkin urlaýmen baılanysty 70 derekke qatystylyǵy anyqtaldy.
Óziniń aıtýyna qaraǵanda, ol negizinen uıaly telefondardyń urlyǵyn «kásip» etken. Baılanys quraldaryn sóılesip alý úshin surap alyp, keıin qashyp ketip otyrǵan. Osylaısha jábirlenýshilerge 5 mln teńgege jýyq shyǵyn keltirgen. Al, urlanǵan telefondardy satyp, bas paıdasyna jaratqan.
Qazir kúdikti ýaqytsha tergeý abaqtysyna qamaldy. Onyń ústinen Qylmystyq kodekstiń «Tonaý» babymen is qozǵalyp, sotqa deıingi tergeý amaldary júrgizilýde. Jábirlenýshilerden urlanǵan zattardyń jartysyna jýyǵy ıelerine qaıtaryldy.
