Shymkentte 7 jasar balany zorlaý oqıǵasy boıynsha sot ótip jatyr
Jabyq esik jaǵdaıynda ótip jatqan sot otyrysy sýdıa Samıdın Temiralıevtyń tóraǵalyǵymen qaralyp otyr. Іs alqa bılerdiń qatysýymen ótetin bolyp sheshildi. Búgin olardy irikteý barysy ótti. Aıta keterligi, alqa bılerdiń de, jalpy iske qatysýshylardyń da aty-jónderi barynsha qupııa saqtalýda.
«Sottalýshy zańnyń 121 baby 4-shi bóligimen aıyptalýda. Sottalýshynyń ótinimhaty boıynsha, sotqa aqyldastar alqasy qatystyrylýda", - dedi sýdıa Samıdın Temirálıev.
Sýdıanyń aıtýynsha, kelesi sot otyrysy qazan aıynyń orta tusynda ótkiziledi.
Eske salaıyq, osy jyldyń naýryz aıynda Abaı aýylynyń turǵyny 7 jasar nemeresin joǵary synyp oqýshylary kúshtep birneshe ret zorlaǵanyn jetkizgen. Bul oqıǵa jurttyń jaǵasyn ustatty. QR Bas Prokýratýrasynyń tarapynan 8 aı kóleminde tergeý sharalary júrgizilip, birneshe saraptamalar jasaldy. Nátıjesinde tórt jasóspirim kúdikke ilindi. Olardyń bireýi ǵana 14 jasqa tolǵandyqtan sot aldynda jaýapkershilikke tartylyp otyr. Qalǵan jasóspirimderdiń isi jas mólsherine baılanysty qysqartylǵan edi.