Shymkentte 7 páter urlyǵyna qatysy bar kúdikti quryqtaldy
ASTANA. QazAqparat - Shymkent qalasynda polıtseıler páter urlyǵyna qatysty 20 jastaǵy kúdiktini quryqtady, dep habarlaıdy QazAqparat tilshisi.
Shymkent QІІB Ál-Farabı PB-niń qyzmetkerleri sońǵy jarty jylda oryn alǵan páter urlyǵy jaıttaryna kúdikti 20 jastaǵy OQO turǵynyn qolǵa túsirgen.
Shymkent QІІB Ál-Farabı PB-ne oblys ortalyǵynyń ondaǵan turǵyny páter urlyǵy boıynsha aryzdanyp kelgen. Sonymen, polıtseılerge jábirlenýshiniń biri 1991 jyly týǵan Shymkent qalasynyń turǵyny ótken jyldyń jaz aıynda belgisiz tulǵa páterinen altyn buıymdary men aqsha salynǵan ámııanyn urlap ketkeni jóninde habar bergen.
Ál-Farabı PB qyzmetkerleri jedel-izdestirý sharasyn júrgizý barysynda kúdikti 1996 jylǵy Maqtaral aýdanynyń turǵynyn quryqtady, ol jumyssyz bolǵan, kinásin moıyndaǵan.
Qazirgi tańda kúdiktiniń 7 páter urlyǵy jaıtyna qatysy bar ekeni belgili boldy. Er azamat barlyq urlyǵyn bir júıemen iske asyrǵan. Turǵyndardyń páter esikterin ashyq qaldyryp, muqııatsyzdyǵyn, óz múlkine salǵyrt qaraýyn paıdalana otyra, baǵaly zattary men aqshalaryn urlap otyrǵan. Kúdikti barlyq urlanǵan zattardy satyp, aqshasyn óz qajettiligine jaratyp júrgen. Jábirlenýshilerge keltirilgen shyǵyn kólemi jarty mıllıon teńgeden asady.
Atalǵan jaıt boıynsha QR QK 188-babymen («Urlyq») qylmystyq is qozǵaldy. Kúdikti qamaýda. Sotqa deıingi tergeý amaldary júrgizilýde.
Alýa Bostan
