Shymkentte 67 adam karantınde jatyr
Qalalyq juqpaly aýrýlar aýrýhanasynyń bas dárigeri Amangeldi Nurlybaevtyń málimetinshe, provızorlyq gospıtalde koronavırýs qaýiptiligi jaǵynan «A» sanatyna jatqyzylǵan elderden kelgen azamattar baqylaýǵa alynǵan. Olardan 14 kún boıyna túrli synamalar alynyp, tekserýden ótedi. Karantınge jabylǵandardyń deni Ońtústik Koreıadan kelgen orta jastaǵy er azamattar.
Búginde gospıtal koronavırýs belgilerimen túsken naýqastardy qabyldaýǵa tolyqtaı jabdyqtalǵan. Sondaı-aq, dárigerler men medbıkeler arnaıy dáristerden ótip, koronavırýsqa shaldyqqan naýqastarmen jumys júrgizý qaǵıdalaryn meńgergen.
«Bizge naýqastar áýejaıdan jetkizilip jatyr. Olardy aldymen Shymkent qalasy taýarlarmen kórsetiletin qyzmetterdiń sapasy men qaýipsizdigin baqylaý departamenti qyzmetkerleri tekseredi. Sonan soń bizge alyp keledi osynda. Búgingi kúnge provızornyı gospıtalda 67 adam jatyr»,- deıdi Amangeldi Nurlybaev.