Shymkentte 65 mln teńgeni qoldy etken jalǵan bankırlerge úkim shyqty
Shymkenttiń alty týmasy jarty jylda 27 qazaqstandyqtyń 65 mıllıon teńgeden astam qarajatyn qoldy etken.
Zardap shekkenderdiń arasynda Astana, Almaty, Petropavl, Kókshetaý, Oral, Qaraǵandy jáne basqa da aımaqtardyń turǵyndary bar.
Polıtseıler qylmystyq toptyń 4 múshesin megapolıs pen Túrkistan oblysynyń aýmaǵynda ustasa, qalǵan ekeýi halyqaralyq izdeý nátıjesinde Reseıden tabyldy.
«Jalǵan bankırler» belgisiz nómirden qońyraý shalyp, tutynýshylardyń qarjysyna qol suǵý yqtımaldyǵy týraly habarlap, aqshasyn saqtap qalý úshin telefon arqyly birneshe onlaın operatsııalardy oryndaýyn suraǵan.
Osylaısha, nesıe rásimdep, olardy «qaýipsiz» shottarǵa aýdaryp otyrǵan.
«Tergeý barysynda olardyń árqaısysynyń óz mindeti bolǵany anyqtaldy. Bireýi kóshbasshy rólin atqardy jáne tapsyrma berip otyrǵan, basqalary «dropperlerdi» tapsa, al qalǵany túsken qarajatty bankomattan sheship alýmen aınalysqan. Polıtsııa qylmystyq istiń tomdaryn barlyq dáleldermen birge sotqa jiberdi. Sot úkimimen alaıaqtar úsh jyldan tórt jylǵa deıin bas bostandyǵynan aıyryldy» delingen Shymkent qalasy polıtsııa departamenti taratqan aqparatta.
