Shymkentte 60 myńnan astam jumys orny qurylady - Ǵabıdolla Ábdirahymov
NUR-SULTAN. QazAqparat - Shymkentti damytýdyń keshendi jospary aıasynda 2023 jylǵa qaraı jalpy óńirlik ónim 3,5 trln teńgege jetip, 175 paıyzǵa ósedi. Ónerkásip kólemi eki esege ósip, 60 myńnan astam jumys oryny qurylady. Búgin Úkimet otyrysynda Shymkent qalasynyń ákimi Ǵabıdolla Ábdirahymov osylaı málim etti, dep habarlaıdy QazAqparat tilshisi.
Turǵyn úı qurylysyn damytý baǵytyna toqtalǵan ákim, «Bas josparǵa sáıkes ákimshilik ári iskerlik «Shymkent sıtı», «Turan» shaǵyn aýdandaryndaǵy, Qoshqar ata ózeniniń jaǵalaýy kópqabatty turǵyn úıler salý úshin anyqtalǵan. Keshendi jospar aıasynda atalǵan aımaqtarǵa ınjenerlik júıeler tartylýda jáne 2023 jylǵa deıin 20 794 páterli 319 kóp qabatty turǵyn salynady», - dedi.
Onyń sózine qaraǵanda, qaladaǵy demografııalyq ósimge baılanysty jyl saıyn oqýshylar sany 10 myńǵa artady. Búgingi tańda 19 mekteptiń úsh aýysymǵa ótý qaýipi bar. Osyǵan qaraı 23 500 oryndyq 15 mektepti salý qarastyrylǵan. Sonymen qatar, jekemenshik mektepter sanyn arttyrý kózdelgen.
«Sport salasynda úsh jobany iske asyramyz. Bul óz kezeginde sportpen aınalysýshylar sanyn 30 paıyzǵa arttyrýǵa jol ashady. Munymen qosa, memlekettik-jekeshelik áriptestik arqyly Qajymuqan Muńaıtpasov atyndaǵy ortalyq stadıon qaıta qurýdan ótedi. Nátıjesinde, stadıon tórtinshi kategorııaly UEFA talaptaryna sáıkes bolady», - dedi ákim.
Budan bólek, densaýlyq saqtaýdy damytý aıasynda jeke ınvestıtsııalar esebinen 1000 oryndyq kópbeıindi aýrýhana salý josparlanǵan.
Budan buryn habarlanǵandaı, Shymkent qalasynyń ákimi Ǵabıdolla Ábdirahymov 2023 jylǵa deıin shahardy damytýdyń keshendi josparyn tanystyrdy.
QR Úkimetiniń otyrysynda keshendi jospary qabyldandy.
