Shymkentte 52 qyzmettik kólik elektrondy aýktsıon arqyly satylǵan

ShYMKENT. QazAqparat - Shymkent qalasy memlekettik múlik jáne jekeshelendirý departamentiniń basshysy Aqylbek Qarabalaev BAQ ókilderine arnalǵan brıfıngte osylaı dedi, dep habarlaıdy QazAqparat tilshisi.

Departament basshysy 2019 jyly atqarylǵan negizgi jumystardan habardar etip, memlekettik múlikti jekeshelendirý, jalǵa berý, múlikterdi tıimdi paıdalaný jáne múlikterdi tárkileý boıynsha maǵlumattar berdi.

Aqylbek Jamalbekulynyń aıtýynsha, satylǵan 52 qyzmettik avtokóliktiń jalpy quny – 34 330 464 teńge. Departament mamandary qaladaǵy 34 memlekettik organnyń aýmaqtyq bólimsheleriniń alańdaryna taldaý júrgizip, nátıjesinde 5350,4 sharshy metrge ońtaılandyrý jumystary júrgizildi.

Bıyl departament 75 qabyldaý-ótkizý aktisi boıynsha baǵalaý quny 1 213 398 280 teńgeni quraıtyn 824 945,4 múlikti memleket menshigine qabyldady.

«QR Qarjy mınıstrliginiń aýmaqtyq bólimsheleri ornalasqan ákimshilik ǵımarattar bizdiń departamenttiń teńgerimine berilip otyr», – dedi Aqylbek Jamalbekuly.

Taǵy bir aıta keterligi, 2019 jyly jeke tulǵalar jáne memlekettik emes zańdy tulǵalar 32 jalǵa berý kelisimshartyn jasady.