Shymkentte 500 ónerpaz qatysqan fleshmob ótti

ShYMKENT. QazAqparat - Búgin Shymkentte «Nurly jol-bolashaqqa bastar jol» oblystyq óner festıvali ótti. Qalanyń oqýshylar saraıynda uıymdastyrylǵan sharada 50 barabanshy óz ónerlerin kórsetip, 50 kúıshi Qurmanǵazynyń «Balbyraýyn» kúıin oryndady, dep habarlaıdy QazAqparat tilshisi.

Festıval barysynda 500 ónerpaz «Rýhanı jańǵyrý» fleshmobyn uıymdastyrdy. Shara aıasynda shym shahardaǵy  mádenıet úıleri men klýbtarda qolóner jáne qylqalam sheberleri úıirmeleriniń  kórmesi ótti. Onda qoldan jasalǵan  buıymdar kópshilik nazaryna usynylyp, jurttyń qyzyǵýshylyǵyn týdyrdy.

Al,  túrli janrlar boıynsha úıirme qatysýshylarynyń gala-kontsertinde «Jeruıyq» qoıylymy sahnalanyp, tarıh betterinen syr shertti. Jergilikti ónerpazdar týǵan jer qasıetin dáripteıtin jáne   Astananyń 20 jyldyǵyna arnap ánder shyrqady.

Aıta keteıik, aǵymdaǵy jyldyń 9-shy sáýirinen bastap oblystyq mádenıet jáne tilderdi damytý basqarmasy men  mádenıet jáne halyq shyǵarmashylyǵy ortalyǵynyń uıymdastyrýymen óńirdiń  aýdan, qalalarynda «Nurly jol-bolashaqqa bastar jol» festıvali ótýde.

Jergilikti mádenıet úıleri men klýbtardyń halyqqa zamanaýı mádenı qyzmet kórsetý sharalaryn jaqsartý men ondaǵy  jumys sapasyn arttyrý maqsatynda uıymdastyrylǵan shara birneshe qala men aýdandarda uıymdastyryldy.