Shymkentte 5 jasar balany qaǵyp óltirgen júrgizýshi qamaýǵa alyndy
ShYMKENT. QazAqparat - Qolyna kishkentaı sábıin ustap, eki balasyn ertip, júrginshi ótkelinen ótip bara jatqan anany qatty jyldamdyqta qaǵyp, 5 jasar balasyn mert qylǵan 23 jastaǵy júrgizýshi qamaýǵa alyndy. OQO Іshki ister departamentiniń baspasóz qyzmeti Qazaqstan Respýblıkasy Qylmystyq kodeksiniń 345-baby, ıaǵnı kólik quraldaryn paıdalaný qaǵıdalaryn buzý saldarynan abaısyzda adam ólimine ákep soǵý deregimen qylmystyq is qozǵalǵanyn jetkizdi.
Esterińizge sala keteıik, 14 qańtar 2017 jyly jergilikti ýaqyt 19 saǵat shamasynda 1993 jylǵy Saıram aýdany turǵyny Vaz-21099 avtokóligimen belgilengen jolaqtan ótpek bolǵan jolaýshyny balalarymen qosa qaǵyp ketken bolatyn. Saldarynan áıeldiń 2012 jylǵy balasy oqıǵa ornynda kóz jumyp, 2007 jyly týǵan balasy oblystyq aýrýhanaǵa jetkizilgen bolatyn. Abyroı bolǵanda, anasy men 2015 jylǵy balasy jaraqat almaǵan.
Qazir kúdikti azamat qamaýǵa alynyp, tergeý amaldary júrgizilýde. Kólik aıypturaqqa qoıylǵan.
Erlan Júnisbaıuly
