Shymkentte 46 bilim berý mekemeleriniń basshylary rotatsııalandy
QR Bilim jáne ǵylym mınıstriniń 559 buıryǵyna sákes, komıssııa quramyna bilim basqarmasynyń, ádistemelik kabınettiń, basqarma bólimderiniń mamandary, bilim berý salasyndaǵy qoǵamdyq birlestikter men buqaralyq aqparat quraldarynyń ókilderi engen. Jumys barysynda komıssııa músheleri basshylardyń qyzmet tıimdiliginiń kórsetkishteri negizinde sheshim qabyldapty.
«Shymkent qalasy boıynsha 113 birinshi basshy, olar 49 mektepke deıingi mekeme basshylary, 64 mektep dırektory rotatsııalaýǵa jatady. Rotatsııalaýǵa birinshi basshynyń bir bilim berý uıymyndaǵy laýazymynda bolýǵa ruqsat etilgen eń uzaq merzimi 7 jyldan aspaýy tıis»-dep jazdy jelidegi paraqshasynda qalalyq bilim basqarmasynyń basshysy Janat Tájıeva.
Búgingi komıssııa otyrysynda mektepke deıingi mekemeniń 40 basshysy men 6 mektep dırektoryn rotatsııalaý týraly sheshim qabyldanǵan.
Al, qalǵan 67 basshyny rotatsııalaý aǵymdaǵy jyldyń II-III toqsandarǵa qaldyrylyp otyr.