Shymkentte 41 jastaǵy azamattyń baýyry aýystyryldy

ShYMKENT. QazAqparat- Shymkentte 41 jastaǵy azamattyń baýyry aýystyryldy, dep habarlaıdy QazAqparat tilshisi.

Shymkent qalasyndaǵy №1 qalalyq klınıkalyq aýrýhanasynda kezekti ret baýyr almastyrý otasy jasaldy. Bul joly 41 jastaǵy azamattyń baýyry aýystyryldy. Naýqasqa óziniń baýyry donor boldy. Bul týraly densaýlyq saqtaý basqarmasy málim etti.

Aǵza almastyrý otasy jasalǵan naýqas Túrkistan oblysynyń turǵyny. Patsıent uzaq jyldar boıy baýyr tsırrozynan zardap shegip kelgen.

Kúrdeli operatsııa 13 saǵatqa sozylǵan. Dárigerler qazirgi tańda ota jasalǵan baýyrlardyń jaǵdaıy jaqsy ekenin málimdedi.

Aıta keteıik, búginge deıin №1 qalalyq klınıkalyq aýrýhanasynda 181 búırek jáne 24 baýyr almastyrý otasy jasalyp, barlyq transplantatsııalar sátti ótken.