Shymkentte 41,7 myń azamat áleýmettik qoldaý sharasymen qamtyldy

ShYMKENT. QazAqparat - Shymkentte 41 768 azamat áleýmettik qoldaý sharasymen qamtyldy, dep habarlaıdy QazAqparat.

«Jalpyǵa ortaq eńbek qoǵamyn qurý úshin memleket pen adamdardyń kúsh biriktirýi asa mańyzdy. Ony is júzinde tıimdi júzege asyrý maqsatynda «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy qabyldandy», delingen habarlamada.

Atalǵan baǵdarlama aıasynda ótken jyly Shymkentte qandaı jumystar atqaryldy? Esterińizge sala keteıik, baǵdarlama tórt baǵyttan turady.

Birinshi baǵyty, 2019 jyly 2 000 adamdy tehnıkalyq jáne kásiptik oqytý josparlanǵan. Nátıjesinde 1 500-ge tarta adam joldandy.

Ekinshi baǵyty boıynsha 83 azamatqa shaǵyn nesıe alý úshin joldama berildi. «Bastaý bıznespen» 2 955 azamat oqytylyp, kýálik tabystaldy. 3 478 azamat 505 myń teńge memlekettik grantqa ıe boldy.

Úshinshi baǵyty, 41 768 azamat áleýmettik qoldaý sharalarymen qamtyldy. Onyń ishinde 28 339 jumyssyz azamattar turaqty, ýaqytsha jáne jańa jumys oryndaryna joldandy.

Áleýmettik jumys oryndaryna - 484, jastar tájirıbesine 3 503, qoǵamdyq jumysqa – 2 252 azamat joldandy.

Tórtinshi baǵyt - «Jas kásipker» jobasymen 1 407 azamat oqytylyp, kýálik tabys etildi.