Shymkentte 400 otbasyǵa qaıyrymdylyq kómegi kórsetildi

ShYMKENT. QazAqparat - Ońtústik Qazaqstan oblysyndaǵy qazaq-túrik kásipkerler qaýymdastyǵy 400-den asa otbasyǵa qaıyrymdylyq kómegin taratty. Óńirdegi qaýymdastyq múgedek jandar men jalǵyz basty analarǵa jáne áleýmettik jaǵdaıy tómen otbasylarǵa 500-den astam azyq-túlik sebetin tabystady, dep habarlaıdy QazAqparat HAA tilshisi.

Áleýmettik sebet un, maı, shaı, qant, kúrish pen makaron syndy alǵashqy qajetti azyqpen toltyrylǵan. Kúndelikti tamaq pen kıim-keshegin áreń alatyn otbasylar úshin bul kútpegen tosynsyı boldy. Olar qaıyrymdylyq sharasyn jasaǵandarǵa rızashylyqtaryn bildirdi.

Bul otbasylar tizimin oblys ákimdiginen alǵanyn aıtqan kásipkerler qaýymdastyǵynyń ókilderi aldaǵy ýaqytta da mundaı ıgi ister  jalǵasyn tabatynyn aıtyp otyr.

Aıta keteıik, búginde «Qazaq-Túrik» kásipkerler qaýymdastyǵynda 50-den astam qazaq-túrik kásipkerleri tirkelgen. Bul qaýymdastyq eki el arasyndaǵy qarym-qatynastyń arta túsýine yqpal etip, quqyqtyq kómek kórsetedi jáne óńirge ınvestorlardyń kóptep kelýine yqpal etip keledi.