Shymkentte 400 mln teńge sýbsıdııany jymqyrý deregi anyqtaldy

ShYMKENT. QazAqparat - Shymkentte 400 mıllıon teńgege memlekettik sýbsıdııany jymqyrý deregi anyqtaldy, dep habarlaıdy QazAqparat.

Mal sharýashylyǵy salasyndaǵy qojalyq ıelerine beriletin memlekettik kómek túrleriniń biri - sýbsıdııa.

Sýbsıdııa mal sharýashylyǵynyń ónimdiligin jáne ónim sapasyn arttyrýǵa tólenedi, mundaǵy basty maqsat - eldiń azyq-túlik qaýipsizdigin qamtamasyz etý.

Alaıda, bul qarajatty maqsatsyz paıdalaný derekteri de bar.

Máselen, Qarjylyq monıtorıng agenttiginiń Shymkent qalasy boıynsha aýmaqtyq departamenti bıýdjet qarajatyn jymqyrǵan qala turǵynyn áshkereledi.

Tergeý kórsetkendeı, zań buzýshy 2020-2021 jyldar aralyǵynda asyl tuqymdy iri qara mal satyp alý úshin aýyl sharýashylyǵy kásiporyndarymen jalǵan mámile jasaǵan.

Osydan keıin sýbsıdııa alý úshin Shymkent qalasynyń aýyl sharýashylyǵy jáne veterınarııa basqarmasyna sharttar usynǵan.

Zańsyz árekettiń nátıjesinde 400 mıllıon teńgeden astam bıýdjet qarajaty jymqyryldy.

Qazirgi ýaqytta qylmystyq is sotta qaralyp jatyr.