Shymkentte 4 myńnan astam adam xalyqtyq marafonǵa qatysty
ASTANA. QazAqparat - Shymkentte qala kúnine arnalǵan xalyqtyq marafonǵa 4 myńnan astam shahar turǵyny qatysty. Bul týraly oblys ákimdiginiń baspasóz qyzmeti habarlady.
Qala kúnin merekeleýdiń ekinshi kúninde shymkenttikter 5 000 metr qashyqtyqqa júgirdi. Salaýatty ómir saltyn saqtaǵan 4 myńnan astam shahar turǵyndary D.Qonaev dańǵyly boıyndaǵy «Royal» fıtnes klýbynan «Naýryz» alańyna deıingi bes shaqyrymdy baǵyndyrdy.
Aıta keterligi, mundaı sporttyq saıys Shymkentte osymen 17 ret ótkizilip otyr. Júgirý saıysynyń qorytyndysynda 12 atalym boıynsha 30 júldeger anyqtalyp, barlyǵy dıplomdar men baǵaly syılyqtarǵa ıe boldy.
Bul retki buqaralyq marafon saıysynyń eń jas qatysýshysy Saparxan Baqdáýlet pen Amantaı Aıan nebári jeti jasta bolsa, eń qart jelaıaqtar 65 jastaǵy ıÝrıı Ostapenko men Iraıda Zaıtsevalar boldy.
