Shymkentte 4 mekteptiń dırektorlyǵyna úmitkerler konkýrstan ótpeı qaldy

ShYMKENT. QazAqparat - Shymkentte mektep dırektorlary ashyq konkýrstar arqyly taǵaıyndalýda, dep habarlaıdy QazAqparat tilshisi.

Qala ákimi Ǵabıdolla Ábdirahymov jetekshelik etetin arnaıy komıssııalyq top qaladaǵy 10 mektepke úmitkerlerdi synaqtan ótkizdi.

10 bilim mekemesiniń dırektory laýazymyna jarııalanǵan konkýrsqa barlyǵy 38 ótinish túsken. Onyń alǵashqy eki kezeńinen ótken 19 úmitker áńgimelesýge jiberildi. Bul joly kandıdattarǵa qoıylǵan talap qatań boldy. Olar aldymen, ujymdy basqarý ádisin kórsetip, komıssııa múshelerine dáleldeýi qajet edi.

Olardyń arasynan №1 keshki, №16, №76, №77, №96 mektepterdiń dırektorlyǵy laýazymyna laıyq degen úmitkerler tańdalyp alyndy. Al qalǵan №11, 24, 26, 131 bilim mekemelerine konkýrs qaıta jarııalanatyn boldy.

Aıta keteıik, sońǵy jyldary qalada mektep dırektorlaryn osyndaı konkýrs arqyly irikteý óz tıimdiligin kórsetip otyr.